Lapu-Lapu summer league mosikad karong adlawa
CEBU, Philippines — Ang 2018 nga edisyon sa tinuig nga Lapu-Lapu City Inter-Barangay Summer Basketball League mosikad na karong adlawa diha sa Lapu-Lapu City Sports Complex.
Mga kategoriya nga kumbatihan mao ang 15-under, 18-under, seniors ug 40-above.
Ang mga entranteng koponan bahinon ngadto sa duha ka bracket diin sila moduwa subay ang single round robin format. Ang top four moabante sa crossover semifinals, samtang ang mga mananaog magsangka dayon alang sa titulo sa tagsa-tagsa nila ka dibisyon.
Dul-an sa P300,000 nga ganting salapi ang iapud-apod ngadto sa mga mananaog. Ang makampiyon modawat og P100,000 sa seniors division, P75,000 sa 40-above, ug P50,000 matag usa sa U15 ug U18 age groups.
Gipaluyohan sa kagamhanan sa dakbayan sa Lapu-Lapu ubos sa liderato ni Mayor Paz Radaza inabagan sa Lapu-Lapu City pinaagi sa inisyatiba ni konsehal Harry Don Radaza, ang liga giorganisar nilang Larry Villanil, Randy Imbong ug Chelito ‘Lito’ Caro.
- Latest
