Irving operahan karon
CEBU, Philippines — Bisan og duol na ang playoffs, ang Boston Celtics superstar nga si Kyrie Irving morisgo og paopera sa iyang tuhod sa pamasin nga makabalik siya og duwa sa playoffs nga himsog.
Si Irving nakahiagum og angol sa tuhod niadtong Marso 11 ug iyang nakita nga hinay ang recovery hinungdan nga magpaopera na lang kini.
Si Celtics coach Brad Stevens miingon nga adunay kabalaka nga basin og dili dayon kabalik si Irving sa panahon sa playoffs.
Si Irving nag-average og 24.4 points ug 5.1 assists alang sa Celtics nga mipuwesto sa ikaduhang dapit sa Eastern Conference sa baraha nga 49-23.
Maglisud na sila paggukod sa No. 1 nga Toronto Raptors (54-19) inay mangandam na sila sa first round sa playoffs diin sangkaon nila ang Miami Heat o Milwaukee Bucks.
- Latest
