Ravena APIL sa All-Star
Sa labing una niyang season sa PBA, ang NLEX Road Warriors scorer nga si Kiefer Ravena naapil dayon sa line-up alang sa 2018 PBA All-Star karong Mayo.
Wala pa mahuman ang botasyon, apan si Ravena aduna na’y 27,642 votes gikan sa fans ug dako’g tsansa nga mahimong starter sa PBA All-Star nga moduwa batok Gilas Pilipinas.
Curry moduwa na karon Bisan pa og wala pa mahingpit ang iyang recovery sa injury sa tiil, ang kanhi MVP nga si Stephen Curry moduwa og balik karon sa Golden State Warriors nga makigsangka sa Atlanta Hawks.
Si Curry maoy una sa upat ka alas sa Warriors nga mobalik og duwa gikan sa injury. Mopahuway pa sila si Kevin Durant, Klay Thompson ug Draymond Green.
Azkals hapit madisgrasya Nakalingkawas ang Phl Azkals batok sa Fiji, 3-2 sa ilang tune-up game sa miaging gabii didto sa Rizal Memorial Stadium. Ang Azkals migamit sa maong duwa isip usa sa ilang mga preparasyon sa ilang pagsalmot sa Asian Cup sa sayong bahin sa tuig 2019.
- Latest
