Pacquiao miduso og resolusyon sa senado
CEBU, Philippines — Ang boxing superstar ug senator nga si Manny Pacquiao miduso og usa ka senate resolution diin paimbestigahan niya ang dili maayo nga kahimtang sa Rizal Sports Complex ug uban pa nga mga sports facilities sa nasud.
Si Pacquiao gusto nga masuta ang suliran ug mahatagan og solusyon ang kakuwang sa mga ekipo ug bati nga training facilities sa mga Pinoy athletes nga usa sa iyang gitumbok og nganong maglisud kita sa mga international tournaments.
“We should not allow this lack of required facilities to continue. As legislators, we should contribute our best efforts in helping our athletes and sports officials achieve bigger dream,” matud pa ni Pacquiao sa Spin.ph.
Gihimong basihanan ni Pacquiao ang iyang pagbisita sa Rizal Memorial Stadium diin nakurat siya nga mao gihapon ang itsura niini dihang nag-train pa siya sa maong dapit niadtong dekada 80.
- Latest
