Out-of-town teams midaog sa Thirsty Cup

CEBU, Philippines — Duha ka mga out-of-town teams ang misakmit og kampiyonato sa nagpadayong 15th Thirsty Football Cup kagahapon didto sa Cebu City Sports Center.

Ang Ilonggo Young Booters misakiyo sa under-17 title human sa ilang sikit nga 1-0 nga daog batok sa Bright Academy, samtang ang Cagayan De Oro United Football Club misakmit sa boys under-15 championship human nila gipatapsingan ang Collegio De Santo Tomas Recolletos, 3-2.

Wa hinuon magpauwahi ang mga Cebuano booters human ang Don Bosco Technical College midaog sa under-7 championship dihang ilang gipukan ang CNN Dolphins sa San Carlos City,1-0, alang sa mix under-7 title.

Nakabawi hinuon ang Dolphins dihang ilang gipilde ang Tamasak FC, 3-2, sa mix under-9 championship.

Napilde sa Tamasak FC ang Don Bosco sa under-11 finals, samtang ang Giuseppe FC milabni sa under-15 girls title ug ang San Juan FC sa Roxas City mao ang midaog sa girls under-17 class.  (BANAT NEWS)