Irving nagmangtas alang sa Celtics
CEBU, Philippines — Mihimo og 15 sa iyang 31 puntos sa third quarter si Kyrie Irving nga maoy nahimong yawi sa kadaugan sa Boston Celtics batok sa New York Knicks, 121-112, kagahapon didto sa Madison Square Garden Arena sa New York.
Ang All-Star nagbangis diin milangkat usab siya og siyam ka rebounds uban ang walo ka assists. Mitampo og 24 puntos ang sophomore nga si Jaylen Brown kinsa mihimo og 24 puntos alang sa Celtics nga mihimo og duha ka sunod-sunod nga daog human sa NBA All-Star.
Ang Celtics anaa sa ikaduhang dapit sa Eastern Conference sa ilang 42-19 record ug gusto ni coach Brad Stevens nga mabalik kanila ang kupot sa No.1 nga kasamtangan gihuptan sa Toronto Raptors (41-17).
"Certainly we can build off of that but we're not in it for two games, we're in it for the last 23," matud pa ni Stevens sa Associated Press. "So we've just got to keep adding to it and building."
Sa gipakita ni Irving, mismo ang coach sa Knicks nga si Jeff Hornacek wala kapugong sa iyang pagdayeg ngadto sa star point guard kinsa maoy iyang gibasul sa ilang kapildehan.
"The game gets close, all of a sudden he makes two or three pull-up 3s right in a row and all of a sudden now you're down 11 or 12 and you're fighting," matud pa ni Hornacek.
Si Trey Burke maoy nangulo sa Knicks sa iyang 26 puntos. (BANAT NEWS)
- Latest
