Cebu boxers inilog gihapon sa PSC-Pacquiao Cup
Emmanuel B. Villaruel (Banat) - February 3, 2018 - 12:00am

CEBU, Philippines — Bisan pa og na-disqualify ang duha niini ka mga sakop gumikan sa teknikalidad, ang Cebu City Boxing Team nagpabiling inilog sa Visayas preliminaries sa PSC-Pacquiao Amateur Boxing Cup karong weekend didto sa Manuel Y. Torres Memorial Coliseum sa dakbayan sa Bago, Negros Occidental.

Sila si Gabriel Tapales (44-46 kgs.) ug Yer Roge Gura (52 kgs.) gipangtaktak ni tournament director Rogelio Fortaleza sa junior boys division gumikan kay ang duha parehong ‘underage’.

Ang kwalipikadong mosalmot sa juniors category mao kadtong nag-edad og 15 hangtod sa 16 anyos ug natawo sa tuig 2001-2002. Apan si Tapales, manghod ni kanhi world champion Marlon Tapales ug si Gura natawo niadtong 2003 ug nag-edad pa lamang og 14 anyos.

Bisan pa man niini, ang Team Cebu City gikahadlokan gihapon gumikan sa lig-on niining line-up nga gilangkuban nilang Albay Palarong Pambansa gold medalist Eduardo Jimenez Jr., Philippine National Games Antique gold medal winner John Ro Taneo, bronze medalist Limber Cainap, Batang Pinoy triple bronze medalist John Paul Gabunelas ug bronze medalist Angelo Bulasa.

Anaa sab sa ilang poder ang gikaintapang managsuon nga sila si Faith Colin ug Mary Nicole Llamas nga nakadaog og silver ug bronze sa Palarong Pambansa didto sa Tagum.

“Cebu ang pinaka malakas na team. Pero handa kaming lumaban,” matud pa ni Larry Semillano, ang head coach sa host Bago City nga mirepresentar sa nasud niadtong 2000 Summer Olympics didto sa Sydney, Australia.

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with