Love Story
Dear Banat News,
Hello sa tanang readers sa Banat News tawga lang ko sa pangalan nga Tonet, 27 years old ug nagtrabaho sa usa ka pharmacy.
Permi gyud ko mobasa og Love Story matag Martes, kay makilig ko permi mobasa niini.
Naa ko’y boyfriend karon siya si Joseph ug nagtrabaho sa usa ka government agency.
Nagkaila mi niya tungod ra gyud sa Facebook . Iyaha kong gi-add, unya daghan man mi og mutual friends maong gi-accept ra pud nako dayon.
Nikalit bitaw siya og chat nako ako ra siya gi-seen kay dili baya mi kaila sa personal.
Nakabantay ko, magsige na man siya og panawag nako pinaagi sa messenger gisamokan jud ko og maayo.
Naabot gyud og usa ka semana ang pagsige niya og samok-samok nako. Pero naabot sa punto nga ni-reply ko niya. Gilaay ko niadtong higayona maong nitubay ko sa iyang gi-chat.
Wala nako damha, nagkalami na man hinuon ang among chat ug nagkasabot mi nga mag-meet sa usa ka restaurant.
Pagkakita nako niya sa personal nakaingon ko cute man diay siya sa personal. Seguro dili lang gyud siya photogenic sa Facebook.
Nagkasuod mi og maayo tungod kay nagsagunson ang among panagkita.
Human sa lima ka buwan sa pagsige og date, nidiskarte si Joseph kanako ug ako dayon siya gisugot kay na-develop na man sad ko niya.
Lipay kay ko kay gipaila-ila dayon ko niya sa iyang pamilya nga grabe ka supportive sa among relasyon karon.
Na-discover nako nga pinangga kaayo siya sa iyang parents tungod sa iyang pagkaboutan.
Wala nako damha nga magkauyab mi ni Joseph. Sa tinuod lang dili kaayo ko mo-entertain og virtual nga higala.
Lainan jud bitaw ko sa una anang meet-up sa virtual friends, pero ang ending ako ra pud gikaon ang akong gisulti ug dinhi na hinuon nako nakaplagan ang akong palalabs.
Duha ka tuig na ang among relasyon, wala mi makasuway og major nga away. Nagtigom ming duha, para sa among kaugmaon. Nagsugod nami og down og house and lot, para ma-motivate mi nga dili gyud mi magbuwag.
Taas ang among respeto sa usa’g-usa, ug kanunay gyud namo ipatigbabaw ang pagsinabtanay hinungdan nga lig-on gyud ang among relasyon.
Mo-request lang ko sa lyrics ug chords sa Pangako by Regine Velasquez
Hi Tonet! Thank you so much sa imong LOVE STORY! Paabuta ugma puhon ang imong request.
Dear HUGYAWnatics, aduna ba kamo’y LOVE STORY? Suwata ka na ug ipadala pinaagi sa pag-like sa atong bag-ong Facebook Page: Banat News Hugyaw (BNH). I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.
Mahimo sab nga pinaagi sa snail mail. Ang atong address mao kini: Love Story C/o Banat News
- Latest