PBA opening planong ipahigayon sa Sugbo
CEBU, Philippines — Sama sa nahitabo niadtong tuig 2014, ang PBA Board of Governors nagplano nga buksan ang bag-ong season sa PBA sa Luzon, Mindanao ug dinhi sa Visayas diin ang Cebu maoy mo-host.
Ang 43rd PBA season buksan karong Disyembre 17 ug posible nga himuong dunganon ang mga duwa diin adunay usa ka duwa dinhi sa Sugbo, usa sa Cagayan De Oro City o Davao City alang sa Mindanao ug didto sa Smart Araneta Coliseum alang sa Luzon.
Gihingpit pa ang detalye sa maong plano sa mga sakop sa PBA board nga atua karon sa Los Angeles alang sa tinuig nilang season planning.
Lain usab nga nahisgutan ang paghimo og Luzon, Visayas ug Mindanao leg alang sa PBA All-Star games sunod tuig.
Ang maong mga plano nahimo bisan pa sa kagubot tali sa mga PBA governors nga wala pa makaumol og solusyon kabahin ni PBA Commissioner Chito Narvasa kun ilisan o ipabilin ba sa puwesto. (BANAT NEWS)
- Latest