Team Lisen nakaipsot
CEBU, Philippines — Nakalabang sa lawod sa kalisdanan ang team Lisen human makaipsot batok sa team Monterroyo nga diriyot mosangpot sa overtime sa iskor nga 87-85 sa CELBA Second Conference basketball tournament niadtong Huwebes didto sa Canduman Housing gym, dakbayan sa Mandaue.
Pwerte gyud ligasa sa duwa gikan sa pagsugod ug diha na maklaro ang daog sa Lisen sa nahibiling singko segundos sa krusyal nga basket ni Erwin Budiongan, kinsa mihipos og 14 puntos. Apan si Jealvan Achumbre maoy topscorer sa Lisen nga miburak og 18 puntos, samtang si Ronald Llanos miambit og 12 puntos.
Wala makatabang ang 28 puntos ni Alexam Amaga kay nasugamak ang Monterroyo. Si Marlon
Mendoza miamot og 13 puntos.
Ang team Lisen ni Gilbert Lisen ug team Monterroyo ni Dr. Raul Monterroyo parehong nagbitbit og 1-1 win-loss record.
Sa pasiunang duwa, ang team Tion ni Rexy Tion nangayo pa og overtime una nila matumba ang SIBA Tamarraws nilang Michael Villamor ug Engr. Raffy Colina, 96-91.
Si Roel Gomez maoy nakapa-overtime sa duwa, 82-all pinaagi sa iyang duha ka free throws.
Ang liga nga gitukod sa presidente niining si P/Insp. Dondon Coloscos ug bise presidente Tony Alcover kinasingkasing nga gipaluyohan ni 17th TOCA awardee Ronald Yap Elpa.
Puntos matag usa
Unang duwa:
TION (96) – Gonzaga 22, Cabrera 21, Setente 15, Tion 10, Gomez 9, Oquias 5, Mahipos 4, Ramos 4,
Villaflores 3, Gemongala 3.
SIBA Tamarraws (91) – Catinoy 16, Prieto 16, Canas 13, Velasco 10, Templado 9, Abanid 8, Marabe 6, Cano 4, Villamor 4, Federez 2, Pelayo 2, Abarquez 1.
Ikaduhang duwa:
LISEN (87) – Achumbre 18, Budiongan 14, Llanos 12, Lisen 9, Recto 8, Camay 7, Villarosa 6, Bordario 4, Rosaceña 3, Icot 3, Tigue 2, Bernales 2.
MONTERROYO (85) – Amaga 28, Mendoza 13, Clark 8, Alarde 8, Estremos 8, Tañan 5, Jacalan 4,
Deocares 4, Menaling 2, Bueno 2, Delima 2. (BANAT NEWS)
- Latest
