Punishers, 3-0 na IBP tilt
CEBU, Philippines - Ang Punishers padayong miratsada, samtang ang Eagles tulin sab ang lupad sa 2017 Integrated Bar of the Philippines (IBP)-Cebu Basketball League diha sa Capitol Parish gym sa may dalan Escario, dakbayan sa Sugbo.
Si Van Ligutan mipabuto og 26 puntos ug walo ka rebounds sa dihang gipayaka sa Punishers ang Rebels, 60-50 aron pagpabiling wa’y pilde sa tulo ka duwa, samtang si Argao councilor Jonathan Villegas mibomba og unom ka tres sa iyang 21 puntos alang sa Eagles nga nakaipsot batok sa Pañeros, 73-69.
Si Villegas nga duna say tulo ka assist, milansang og tagutlo ka tres sa una ug ikatulong kuwarter ug sa matag higayon iyang gipabokal ang opensa sa Eagles.
Ang Pañeros duna pa unta’y tsansa nga makapuwersa og overtime, apan si Mikmik Molde nasipyat sa krusyal niyang itsada.
Ang Eagles nagtabla na karon uban ang Sub Zero Idols ug Dzntrs sa managsamang baraha nga 2-1, samtang ang Pañeros ug Rebels natagak ngadto sa 1-2.
Sa laing aksiyon, si Cebu City prosecutor Rogelio del Prado Jr. mitali og 13 puntos ug lima ka rebounds sa dihang giwani sa Badboys ang Spartans sa iskor nga 54-43, alang sa una nilang daog sa tulo ka duwa. Ang Spartans pabiling bokya sa tulo ka duwa.
Puntos matag usa
Unang duwa:
Punishers (60) – Ligutan 26, Ang 11, Arnaiz 9, Juban 4, Prieto 2, Bas 2, Hernaez 2, Avila 2, Velez 2.
Rebels (50) – Padoga 17, Robles 13, Pacoli 8, Nollora 3, N. Rama 2, Hontanosas 2, Lim 3, E. Rama 2.
Ikaduhang duwa:
Badboys (54) – Del Prado 13, Apolinario 11, Geotina 9, E. Bauzon 7, Narido 7, Montealegre 3, Esmeralda 2, Yap 2.
Spartans (43) – Patiño 15, Lorenzo 7, Ocupe 5, Tan 4, Lim 4, Avila 2, Teodorico 2, Marquez 2, Velez 2.
Ikatulong duwa:
Eagles (73) – Villegas 21, Lagahit 16, Ajoc 11, Dinsay 11, Vallecer 9, Fernandez 3, Negapatan 2.
Pañeros (69) – Molde 15, Cruz 12, Aliño 11, Retuya 9, Luib 5, Cabilte 5, Cagulada 4, Dinopol 2, Balorio 2, Abcede 2, Manching 2. (BANAT NEWS)
- Latest
