Durant wala sa game-2?
CEBU, Philippines - Wala miapil sa team practice si Kevin Durant kagahapon ug wala pa’y klaro kun moduwa ba kini sa Golden State Warriors sa Game-2 sa ilang Western Conference playoff series batok sa Portland TrailBlazers karong adlawa didto sa Oracle Arena sa Oakland, California.
Ang All-Star forward mipabuhagay og 32 puntos sa ilang kadaugan sa Game-1, apan makita siya nga nagpunay og kupot ug gibati og kasakit sa iyang wala niyang paa.
Gikompirmar ni Warriors coach Steve Kerr ang mga taho nga wa’y klaro nga makaduwa si Durant batok sa TrailBlazers sa Game-2.
Kampante hinuon si Kerr nga makabalik ra dayon si Durant, apan iyang gitataw nga dili nila irisgo ang ilang superstar nga nakapalta og 19 ka duwa sa regular season tungod sa knee injury. (BANAT NEWS)
- Latest
