Canoy gipasaligan SA WBO
Lemuel P. Maglinte (Banat) - March 30, 2017 - 12:00am

CEBU, Philippines - Mismo ang presidente sa World Boxing Federation nga si Howard Goldberg ang mipasalig sa kampo ni Omega Boxing Gym fighter Jason Canoy nga patas ang desisyon unya sa sangka tali niya ug sa hometown fighter nga si Mzuvikile Magwaca didto sa South Africa karong Sabado.

Sila si Canoy ug Magwaca mag-ilog sa bakanteng WBF bantamweight title.

“I told them that there is no South African or Filipino boxer on the ring on fight night. Both are deserving boxers fighting for the WBF championship,” matud pa ni Goldberg gikan usab sa taho ni Omega Pro Sports International vice president Rico Navarro.

Hinuon, si Navarro miingon nga mas inilog si Magwaca tungod kay mas teknikal kini itandi ni Canoy, apan mas pabor sa kusog ang  Sugbuanong boksidor hinungdan nga mogamit sila og agresibo nga estilo sa maong sangka.

Kini ang unang higayon ni Canoy nga moaway sa world title, apan dili kabintahaan iyang kasinatian  kay  miaway man siya kaniadto  alang sa WBA Intercontinental ug WBC International titles.

Si Canoy adunay record nga 26-2, 19KOs, samtang si Magwaca wa’y pilde sa 17 niya ka away. (BANAT NEWS)

HOWARD GOLDBERG
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with