SHS-AdC kampiyon sa Hyundai football

CEBU, Philippines - Ang Sacred Heart School-Ateneo de Cebu maoy migawas nga kampiyon sa first Hyundai Under-15 Invitational football human sila mitapos sa duha ka adlaw nga torneyo nga walay pilde sa upat ka duwa kagahapon sa ilang balwarte didto sa SHS-Ateneo football field.

Sa katapusan nilang duwa kagahapon, ang SHS-Ateneo milatos sa Paref Springdale, 3-0. Una na nilang gipilde ang Don Bosco Technology Center, University of San Carlos ug Forza FC.

Human sa upat ka duwa, ang SHS-AdC mitigom og 12 puntos nga maoy mihatag kanila sa titulo sa maong league-type nga torneyo. Mipuwesto sa ikaduha ang DBTC nga adunay nuybe puntos.

Ang USC maoy ikatulo sa ilang kwatro puntos, gisundan sa Forza FC ug Paref-Springdale. (LPM) (BANAT NEWS)