^

Banat Palaro

Cavs, Spurs mipilde sa ilang kontra

Lemuel P. Maglinte - Banat

CEBU, Philippines -  Gipilde sa defending champion Cleveland Cavaliers ang Phoenix Suns, 118-103 sa ilang duwa sa National Basketball Association kagahapon didto sa Quicken Loans Arena sa Cleveland, Ohio.

Si Kyrie Irving mitira og 26 puntos, samtang si LeBron James mikulit og 21 puntos ug 15 ka rebounds alang sa Cavs  nga nakarekober  human sa ilang 35 puntos nga kapildihan  ngadto sa higpit nilang karibal  Golden State Warriors sa miaging adlaw.

Ang Cavs padayon gihapon nga nag-una sa Eastern Conference nga adunay 30-11 nga baraha.

Sa laing aksiyon, ang San Antonio Spurs nagbangis usab sa kaugalingon nilang balwarte didto sa AT&T Center dihang ilang gilampurnas ang Denver Nuggets, 118-104.

Nakahimo gihapon sa pagdaog ang Spurs bisan pa og sayong gipagawas sa korte ang ilang coach nga si Gregg Popovich tungod sa duha ka technical fouls niini batok sa mga referees.

Wala usab makaduwa ang ilang sinaligang forward nga si Pau Gasol kinsa na-injured atol sa warm-up. Si Kawhi Leonard miburak og 30 puntos aron pangulohan ang iyang koponan.

Sa lain pang mga duwa, ang Minnesota Timberwolves nakaipsot sa Los Angeles Clippers, 104-101, samtang ang Washington Wizards mipilde sa New York Knicks sa iskor nga 113-101.  (BANAT NEWS)

CAVS

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with