Sinulog darts banatan na
CEBU, Philippines - Kapin sa 50 ka mga dart players ang magtinirahay sa Sinulog Open Doubles Dart Tournament nga gipasiugdahan sa Alla Sikatuna Darts Club karong gabii diha sa Alla Sikatuna Dart Lane sud sa Zapatera gym, ning dakbayan sa Sugbo.
Mangu sa mga mokumbati mao sila si Reyden Colina, Odong Pamatian, Arvic Recana, Wyno Ugang, Steve Montenegro, Dino Bacayo, Rodmar Branzuela, Jomar Amerol, Jerome Perales ug Molet Patunob nga gikan sa Nawanao, Cabreros ug Santo Niño Dart Club.
Ang mga organizers modawat pa og entrante karong alas-7 sa gabii, usa ka oras sa dili pa sugdan ang torneyo.
Miabot ngadto sa P5,000 nga ganting salapi ang gitagana alang sa mga mananaog kortesiya sa Safefreight Services, Inc., Gongie Galenzaga, Bhoyet Capoy ug Jamaica Amor Abella. (BANAT NEWS)
- Latest