Cebuana Lhuillier tennis sa Enero 20

CEBU, Philippines - Gatosan ka mga batan-ong tennis players ang gilauman nga mosalmot sa 11th Cebuana Lhuillier Age-group Tennis Championships karong Enero 20-23 diha sa CitiGreen Tennis Resort Cebu sa Barangay Punta Princesa, dakbayan sa Sugbo.

Gawas sa mga Cebuano players, mga out-of-town participants  ang mipakita na og interes nga moduwa sa maong group 2 sanctioned event sa Philta.

Mga masaarong junior netters ang moduwa tungod  kay makakuha sila og  puntos sa ranking gikan sa Philta. Sama sa miaging edisyon, ang event gilangkuban sa nagkadaiyang age-brackets gikan sa unisex10 ngadto sa 18-under class.

Gidasig sa mga coaches ug players sa pagparehistro  og sayo bisan pa og sa Enero 19 pa ang deadline. Sa dugang mga pangutana ug detalye sa registration, mahimong motawag sa numero 0920-9468280 o sa 09227138390. (BANAT NEWS)