^

Banat Palaro

Misihag na korona sa GS Warriors

Emmanuel B. Villaruel - Banat

CEBU, Philippines - Human mikagar ang opensa sa nag-unang tulo ka duwa sa serye, nagparamdam na ning higayona si ‘back-to-back’ NBA  Most Valuable Player Stephen Curry.

Si Curry miratsada og 38 puntos sa dihang gitumba sa Golden State Warriors ang Cleveland Cavaliers, 108-97 aron pagposte og solidong 3-1 nga bentaha sa NBA Finals kagahapon didto sa Quicken Loans Arena sa Cleveland, Ohio.

Gumikan niini, ang Warriors nagdanga-danga na ug  usa ka daog ang ilang gikinahanglan aron hingpit nga maangkon ang ikaduha nilang sunod-sunod nga kampiyonato. Ila kining makab-ot kun matumba nila pag-usab  ang Cavs sa Game 5 karong Martes balik sa ilang balwarte.

Daw sanag na nga ugma ang nagpaabot sa Warriors gumikan kay wala pa ma’y team nga nakabangon human maalkansi og 3-1 sukad masugdi ang “best-of-seven” finals series niadtong tuig 1984.

Apan alang ni Warriors coach Steve Kerr, dili pa angayan nga maghudyaka sila gumikan kay wala pa mahuman ang serye ug sayod siya sa dakung hagit nga ilang sagubangon sa Game 5.

“Game five will be the hardest game of the series,” matud pa ni Kerr. “We have to understand this series is not over. Game five will be extremely difficult.”

Sa ilang pagpakgang sa walo ka sunod-sunod nga daog sa Cavs sa playoffs didto sa ilang homecourt, nahimong alas ni Kerr si Curry nga mipasud og 11 sa 25 niya ka itsa apil na niini ang pito sa 13 niya ka 3-pointers. Sa kinatibuk-an, mibomba sila og 17 ka triples nga maoy labing daghan sa kasaysayan sa NBA Finals.

Si Klay Thompson midugang og 25 puntos, si Harrison Barnes mitampo’g 14 puntos, samtang si Draymond Green milangkat og 12 ka rebounds sa Warriors nga milusad og 12-1 human nakasikit ang Cavs, 81-83, aron pagkulit sa kinadak-an nilang labaw, 93-84. Sila si Curry ug Thompson yano dayon nga mipasud sa ilang free throws sa daginutong oras nga nahabilin aron pagbugha sa Cavs.

Si Kyrie Irving maoy nangu sa Cavs bitbit ang 34 puntos, samtang si LeBron James mihipos og 25 puntos, 13 ka rebounds ug siyam ka assists, apan siya maoy responsabli sa pito sa 11 ka turnovers sa Cleveland.  (BANAT PALARO)

 

SEN. ALAN PETER CAYETANO

Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with