2,000 Runners managan sa Alaska Family Day Run
CEBU, Philippines - Moabot ngadto sa 2,000 ka mga runners ang modagan sa Alaska Milk Family Day Run karong buntag diha sa SM Seaside City.
Gawas sa kompetisyon, ang maong lumba mahinungdanon sab tungod kay kini ang highlight sa kasaulogan sa nasud sa “World Milk Day”.
Mohatag usab og libreng slots ang organizers sa mga batang runners nga kabahin sa grassroots program ni Cebu marathon queen Mary Joy Tabal.
Ang Alaska Milk Family Day Run usa ka simultaneous running event uban sa Manila, Davao ug Naga.
Sa dili pa ang dinaganay, adunay Zumba fitness alang sa mga partisipante.
Ang maong lumba gilangkuban lang sa 5K ug 3K tungod kay mas gihatagan niini og gibug-aton ang ilang adbokasiya kabahin sa kamahinungdanon sa gatas sa kahimsog ilabi na sa mga bata. (BANAT PALARO)
- Latest