New Millennium Hardware mitapos sa eliminasyon bitbit ang daog
CEBU, Philippines - Nakadaginot pa gyud og daog ang New Millennium Hardware human makaipsot batok sa Monterroyo, 81-74 sa LABA President’s Cup 2016 1st Conference niadtong Lunes didto sa Barangay Banilad gym, dakbayan sa Mandaue.
Sa sayo pa ang Los Amigos ni Geson Pestaño midaog pinaagi sa forfeiture batok sa JJV Auto Supply.
Ligas kaayo ang duwa gikan sa sinugdanan ug didto na maklaro ang kadaugan sa New Millennium Hardware sa himalatyong segundos sa fourth quarter.
Uno punto lang unta ang labaw sa New Millennium Hardware, 74-73, sa nahabiling 31 segundos, apan si Bernard Rogado mipasud sa iyang 3-pointer aron pagbingat sa ilang bentaha, 77-73.
Si Canjo Echavez maoy topscorer sa New Millennium Hardware nga miariya’g 23 puntos, gisundan ni Lloyd Chavez nga mikabya og 12 puntos apil ang tulo ka sunod-sunod nga fastbreaks. Sila si Adie Cinco ug Noel Ferolino mitimbre’g 10 puntos matag usa.
Ang Monterroyo ni Dr. Raul Monterroyo gipangulohan sab ni Richard Jordan, kinsa miposa’g unom ka tres sa iyang 20 puntos ug si Michael Tañan miambit og 14 puntos.
Ang liga ubos sa superbisyon ni commissioner Geryl Bukiron sa abag nilang Louie Canen ug Angel Sasis.
Puntos matag usa
New Millennium Hardware (81) – Canjo 23, Chavez 12, Cinco 10, Ferolino 10, Rogado 7, Sebandal 5, Ubas 4, Monsanto 4, Mahilum 4, Pacquiao 2, Incorporado 2.
Monterroyo (74) – Jordan 20, Tañan 14, Mendoza 12, Monterroyo 8, Ecot 4, Cabucos 4, Castardo 3, Caballero 3, Ramos 2. (BANAT NEWS)
- Latest
