^

Lahug kampiyon sa 5th Duty Free Sportsfest

Bot Glorioso, Yoyo R. Abayan (Banat) - May 27, 2016 - 12:00am

CEBU, Philippines - Walay luna nga kabutangan sa kalipay sa DFP-Lahug human nila maangkon ang championship trophy  sa  5th Duty Free-Philippines   Sportsfest basketball tournament human gipilde ang DFP-SM Store, 55-50 niadtong Martes didto sa Sacred Heart Center Sports Club  sa dalan D. Jakosalem, dakbayan  sa  Sugbo.

Si D. Casquejo mipamatuod nga siya  ang angay  piliong MVP dihang iyang gipangulohan ang DFP-Lahug pinaagi sa iyang 11 puntos uban ang walo ka rebounds.

Natakdan sab niya si Jhong Nayon, kinsa mikadlit  sab og  11 puntos, lakip  ang duha ka 3-pointers.

Ang DFP-Lahug ubos sa pagtimon sa ilang playing coach nga si Gani Tajo maoy naggukod sa halos kinatibuk-ang duwa ug diha na sila nakaangkon og komportabling labaw, 54-50 sa himalatyong segundos sa fourth quarter.  Ang free-throw ni Carl Tajo maoy mikandado sa daog sa DFP-Lahug. 

Usa sa mga sinaligan sa DFP-Lahug nga si Kikim Tajo nalimitahan lang ngadto sa kuwatro puntos.

Si Dexter Arangcon, kansang duwa wala gyud malubad gikan sa pagsugod hangtod sa katapusang gutlo, maoy nangu sa naparot nga DFP-SM Store nga mipabuhagay og 14 puntos nga gidayandayanan og tulo ka steals ug tulo sab ka rebounds.

Kuyaw sab kaayong nakaduwa si Cris Cenabre nga mitikdol og 10 puntos.

Usa sa nakatampo sa kapildihan sa DFP-SM Store mao ang kabugnaw ni Lee Galapin, kinsa igo lang miiskor og nuybe puntos. 

Ang 5th Duty Free-Philippines Sportsfest gipasiugdahan nilang Gani Tajo ug Ogie Cenabre. Ang mga duwa gipadagan nilang Eduard Escorial ug Peter Lalaycan.

 

Puntos matag usa

DFP-LAHUG (55) – Casquejo 11, Nayon 11, Ebardo 9, C. Tajo 7, Tito 5, G. Tajo 4,  K. Tajo 4, Plad 2, Delos Reyes 1.

DFP-SM STORE (50)  – Arangcon 14, C. Cenabre 10, Galapin 9, J. Cenabre 6, Toyugan 4, O. Cenabre 4, Bancale 2, Fabe 1. (BANAT NEWS)

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with