MJ Inside Edge, Horizon Auto Parts nakaipsot

CEBU, Philippines - Mipakita na sab og maayong labok ang MJ Inside Edge aron moiskor og laing daog, ning higayona batok sa Stickerworld, 74-70 sa Bond of Masters Basketball League 3rd Conference niadtong Martes didto sa Alta Vista gym sa Pardo, siyudad sa Sugbo.

Si Julier Montillano misalida og maayo diin mipugnit kini og 15 puntos aron pangulohan ang MJ Inside Edge nga miarangkada dayon pagsugod aron molansang og 15-8 nga bentaha paghuman sa unang 10 minutos sa duwa.

Miiskor unta og 30 puntos si King Zanria, apan nakawang lang kini kay napilde ang Stickerworld nga  wala pa katilaw og daog sud sa tulo ka duwa.

Ang MJ Inside Edge nagbitbit na karon og 3-0 nga baraha ning maong liga nga nahimo pinaagi sa paningkamot ni Jun ‘Master’ Tan, ang presidente sa Bond of Masters ballclub.

Sa laing bahin, ang Horizon Auto Parts mirehistro og 2-1 nga baraha human midaog batok sa Wellas Fresh Chicken sa iskor nga 86-83.

Puntos matag usa

Unang duwa:

Horizon Auto Parts (86) – Nadela 27, Tarongoy 15, Muñoz 13, Sabellano 9, Sanoy 6, Gikan 5, Antolijao 5, Gamusa 4, Jasmin 2.

Wellas Fresh Chicken (83) –  Gabiana 24, Repunte 24, Paglinawan 12, Macan 8, Sotto 6, Rosal 6, Tagalog 2, Pantollano 1.

Ikaduhang duwa:

MJ Inside Edge (74) – Montillano 15, Ibones 13, Pacquiao 11, Miscala 10, Villamor 9, MJ 6, Frits 4, Uy 2, Narvasa 2, Marimon 2.

Stickerworld (70) – Zanria 30, JP Faustino 17, Encorporado 13, English 4, Flores 2, Opone 2, H. Faustino 2. (BANAT NEWS)