^

Lakers mitusak 11 ka 3-pointers

Bot Glorioso, Yoyo R. Abayan (Banat) - May 18, 2016 - 12:00am

CEBU, Philippines - Mipahaguros og 3-pointers ang Lakers nga usa sa ilang paagi pagbuntog sa Villalon, 109-96 sa Los Amigos Basketball Association (LABA) President’s Cup 2016 1st Conference niadtong Lunes didto sa Barangay Banilad gym, Mandaue City.

Sa kinatibuk-an, ang Lakers nakapasud og 11 ka 3-point shots nga maoy labing daghang natala sa kasamtangan nga liga.

Si Richard Madrid maoy labing daghang tres nga napasud nga adunay upat alang sa iyang 25 puntos, apan si Raymundo Carvajal maoy topscorer sa Lakers nga mihabwa og 28 puntos, lakip ang tulo ka triples. Laing nakapasud og 3-point shot mao si Rey Gonzaga nga adunay duha ug silang Eugene Povadora ug  Ramon  Alburo nga adunay tag-usa ka tres alang sa Lakers  nga migamit og   paspas   nga  duwa human mailog ang labaw, 57-48 sa sayong bahin sa third quarter sa wala pa  moposte’g 101-83 sa kapin dos minutos ang nahabiling oras sa final period.

Gipahimuslan sa Lakers ang huyang nga depensa sa Villalon hinungdan nga nagpatuyang kini og pamuntos.

Sa pasiunang duwa, ang Los Amigos yano kaayong mikulit sa ikaupat nilang daog pinaagi sa paglubong sa AC Troopers, 75-61.

Hinuon wala makaduwa ang ilang lider ug team playing manager nga si SPO4 Dondon Coloscos hinungdan nga nagkagidlay ang AC Troopers.

Tulo ka players sa Los Amigos ang miiskor og double figures  sa pagpangulo ni Aldrin Gonzaga, kinsa miarangkada og 17 puntos, samtang gipangulohan sab ni Opong Englis ang AC Troopers nga mipaarak og 22 puntos.

Sa laing bahin, ang RMD midaog batok sa JJV Auto Supply pinaagi sa default.

Gipasiugdahan sa LABA ballclub ubos sa   bendisyon sa ilang  presidente nga si konsehal Gilbert Sebandal, ang mga duwa  ubos sa superbisyon ni league commissioner Geryl Bukiron uban ni Adie Cinco.

Puntos matag usa

Unang duwa:

LOS AMIGOS (75) – Gonzaga 17, Gomez 15, E. Ouano 10, Rensen 8, Bontilao 8, Pestaño 6, Pestaño 5, Obsequias 4, Delima 2.

AC TROOPERS (61) – Englis 22, Beldera 10, Anghay 6, Jacalan 5, Dakay 5, Cornejo 5, Yares 2, Comiso 2, Yatan 2, Migallen 2.

Ikaduhang duwa:

LAKERS (109) – Carvajal 28, Madrid 25, Povadora 11, Gonzaga 10, Marturillas 8, Quiñahan 7, Codilla 4, Rempojo 4, Inocando 2, Cena 2, Costanilla 2.

VILLALON (96) – Bamba 25, Orendain 18, Estremos 16, Dunque 13, Dicdican 12, Suico 8, Lara 2, Villalon 2. (BANAT NEWS)

PHILIPPINE AIRLINES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with