Consolacion fiesta basketball mosikad karong Domingo
(Banat) - September 10, 2015 - 10:00am

CEBU, Philippines - Ang ikalimang edisyon sa tinuig nga Mayor Teresa P. Alegado Cup Fiesta Basketball League mosikad na karong Domingo sa Poblacion Occidental barangay gym sa Consolacion, Cebu.

Ang tanang 21 ka barangay sa maong lungsod mosalmot sa torneyo nga kabahin sa tinuig nga kapistahan sa Consolacion karong Oktubre 29 agi’g pagtamod sa mahal nilang patron nga si San Narciso.

 Sama sa miaging tuig, upat nga kategoriya ang kumbatihan. Kini mao ang inter-barangay seniors A ug B ug ang SK (Sangguniang Kabataan) juniors  A ug B.

Mobanat sa inter-barangay seniors A ug SK juniors A mao ang Poblacion Oriental, Poblacion Occidental, Pulpogan, Danlag, Cabangahan,  Nangka, Tugbungan,  Jugan, Tayud, Pitogo, Lamac, Cansaga ug Casili.

 Bahinon sila sa duha ka brackets diin sila moduwa ubos sa double round elimination format. Ang top 2 teams matag bracket moabante sa crossover semifinals diin ang top seeds adunay ‘twice-to-beat’ incentives. Ang modaog magsangka dayon sa kampiyonato sa  ‘best-of-three’ series.

 Samtang ang mga entrante sa inter-barangay seniors B ug SK juniors B mao ang Tolotolo, Garing, Polog, Panas, Panoypoy, Lanipga, Sacsac ug Tilhaong. Mag-engkuwentro sila ubos sa double elimination format.

Gipaluyohan sa lokal nga kagamhanan sa Consolacion ubos sa liderato ni Mayor Teresa ‘Nene’ Alegado ug Vice Mayor Rey Damole, mopadagan sa maong usa ka bulan nga kompetisyon mao sila si konsehal Nilo Ferraren ug Boy Tibon ug ABC President Marilou Casul.

Ang mga duwa ubos sa superbisyon ni league commissioner Paul Alelu Q. Flores, kanhi star player sa Far Eastern University (FEU) Tamaraws sa dihang nagduwa pa siya sa UAAP. Moabag kaniya mao si Aurelio Eslawan nga maoy technical committee head. (BANAT PALARO)

ACIRC ALEGADO CUP FIESTA BASKETBALL LEAGUE ANG AURELIO ESLAWAN BOY TIBON CONSOLACION FAR EASTERN UNIVERSITY MAYOR TERESA MAYOR TERESA P NGA POBLACION OCCIDENTAL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with