Pacquiao miiskor 19 puntos sa kadaugan sa Mahindra

(Banat) - September 7, 2015 - 10:00am

CEBU, Philippines – Tulo ka bulan human maoperahi ang tuo niyang abaga, si Manny Pacquiao mipakita og timailhan nga naulian na siya sa sakto niyang porma isip atleta. Dili hinuon ibabaw sa boxing ring kun dili sud sa basketball court.

Kini human si Pacquiao miposa og lima ka 3-point shots sa iyang 19 puntos aron mangu sa Mahindra Enforcers (kanhi Kia) ngadto sa 108-69 nila nga kadaugan sa Goldstar-Davao sa lima ka adlaw nga pocket tournament nga gipasiugdahan sa eight-division world champion didto sa General Santos City isip kabahin sa ilang pagpangandam sa umaabot nga PBA season.

Bitbit ang 3-1 win-loss record, ang Mahindra maoy miangkon sa unang luna sa finals. Lagmit ang GlobalPort maoy ilang sangkaon sa kampiyonato nga gikatakda karong adlawa.

Ang makampiyon mobulsa og P500,000, samtang ang mopahiluna sa ikaduha ug ikatulong dapit modawat og P300,000 ug P200,000.

Sa kapaspas ni Pacquiao pagkorekober gikan sa iyang injury, si Mahindra team manager Eric Pineda mihulagway ni Pacman nga mura’g si Wolverine, ang usa ka inilang karakter sa X-Men nga gitagik sa Marvel komiks.

“Kita mo naman, kundisyon na si coach Manny dahil naka-19 points,” matud pa ni Pineda ngadto sa Philstar.com.

“Parang Wolverine. Si Kobe (Bryant), it took him six months to shoot eh si Manny three months lang.”

Ang Mahindra mipalig-on og maayo sa ilang team pinaagi sa pagkuha nilang Niño Canaleta, Aldrech Ramos ug Rob Reyes sa usa ka three-team trade.

Matud pa ni Pineda nga daku’g posibilidad nga modala og aktibong papel si Pacquiao isip player sa Enforcers sa umaabot nga aksiyon sa PBA.

Kay lagi nangandam sa ilang superfight ni Floyd Mayweather  Jr., si Pacquiao nakaduwa lang og upat   ka higayon uban sa KIA sa miaging PBA Governor’s Cup. (BANAT NEWS)

ACIRC ALDRECH RAMOS ANG ANG MAHINDRA ERIC PINEDA FLOYD MAYWEATHER GENERAL SANTOS CITY MAHINDRA MAHINDRA ENFORCERS NGA PACQUIAO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with