Angel Car Door abante sa ikaduhang puwesto

CEBU, Philippines - Miabante sa ikaduhang pwesto ang Angel Car Door (kanhi MP Brokers) human ilang gipukan ang Nomadz, 73-65  niadtong Domingo sa  8th season sa F. Llamas Youth Association (FYA) didto sa Manggahan open court sa barangay Punta Princesa, ning dakbayan.
Silang Dexter Caballero ug Ranel Patalita maoy nangu sa Angel Car Door sa ilang 15 ug 13 puntos matag usa, samtang  sila si Wesley Carzano ug Mike Billones parehong mitampo’g 12 puntos.
Ang 1-2 nga Nomadz  gipangulohan ni Tony Ursal, kinsa miposa’g 23 puntos, samtang si Dondon Cadungog miburak og 20 puntos.
Sa laing bahin, ang Angel Mary midaog  batok sa RAV pinaagi sa forfeiture. (BANAT NEWS)
 
Puntos matag usa
  Angel Car Door (73) –  Caballero 15, Patalita 13, Carzano 12, Billones 12, Cadungog 5, Sydiongco 4, Dagohoy 2, Diaz 2.
  Nomadz (65) – Ursal 23, Cadungog 20, Dacayana 6, Marata 6, Ropal 6, Jabonero 4.