NLEX warriors nangambisyon motungtong sa ikaupat nga puwesto

CEBU, Philippines – Sa nagkaduol nga playoffs, gusto sa NLEX Road Warriors nga  mopahiluna sa  ikaupat nga dapit sa standing, apan kinahanglan nga  ilang mapilde ang  Barako Bull Energy Cola karong gabii sa PBA Commissioner’s Cup didto sa Smart Araneta Coliseum.

Ang Road Warriors makigharong sa Energy Cola sa alas-4 sa hapon.

Ang NLEX adunay rekord nga 6-4 ug nakigtabla sa Meralco Bolts sa ikaupat nga dapit ug ang kadaugan sa katapusang duwa nila sa eliminaton batok sa Barako (4-6) mopahiluna kanila sa solong No. 4.

Kini ang unang playoffs sa NLEX human sa ilang pagsulod sa liga sa miaging conference niadtong miaging tuig isip usa sa tulo ka mga bag-ong koponan sa PBA.

Sa main game sa alas-7 sa gabii, ang  San Miguel Beermen  (3-7) moharong  sa  GlobalPort Batang Pier  (4-6). (BANAT NEWS)