Cacoy Cañete 27 ka tuig na'ng presidente sa Doce Pares
CEBU, Philippines – Sama sa naandan, pabiling maoy pangu ug presidente sa Cacoy Doce Pares World Eskrima Federation ang usa sa founding member sa maong eskrima club nga si Supreme Grand Master (SGM) Ciriaco “Cacoy” Cañete atol sa ilang tinuig nga piniliay kaniadtong Disyembre 30,2014.
Ang 95 anyos nga si Cañete maoy gihimong lifetime president nga kaniadto gihuptan sa iyang maguwang nga si Eulogio "Yoling" Cañete kinsa mipanaw niadtong tuig 1987.
Ang laing mga napiling opisyales sa Doce Pares mao silang GM Amorito Canete isip Executive Vice President; GM Catherine Canete-Knight isip vice-president for International Affairs; GM Dennis Cañete, vice-president for Local Affairs, Atty. Bienvenido Jaban, secretary; Ben Gonzales, treasurer; Abigail C. Mejorado, auditor ug mga Press Relations Officers nga silang Gloria Cañete ug Bobby Inoferio.
Ang Operations Director mao si GM Chuck Cañete, Training Director GM John John Mac, Sports Director GM Alfred Velasquez, Events Promotional Manager GM Omar Paolo, Marketing Director GM Levi Mejorado ug Administrative Officer Dean Michael Cañete.
Ang mga sakop sa Board of Directors mao silang GM Bernadette Tormis, GM Diony Tejadillo, GM Danny Serundo, GM Raul Bunalos, GM Michael Barker, Dante Arcilla Jr., Master Michael Escario, Master Ernesto Elizondo, Master Floro Mabalhin, Master Glenn Cañete, Master Aniceto Suan, Felix Ybañez, Gaudencio Caruana, Rey Fajardo, Ramie Balbuena, Miguel Osmeña, anak ni kanhi mayor Tomas R. Osmeña ug kanhi Scout Ranger Melchor "Choy" Delasala.
Ang Legal Counsel sa Doce Pares mao si Atty. Vicente Fernandez II ug ang mga Spiritual Counsels mao silang Rev. Fr. Aloysius Alojipan, Rev. Fr. Isaiah Gerali ug Bro. Nonito Limchua, ang spiritual director sa Oasis of Love ug tag-iya sa CCTN-Channel 47.
Ang mga napiling opisyales sa Doce Pares manumpa sa ilang katungdanan karong Sabado, Enero 10 diin adunay mga langyaw nga eskrimadors ang mutambong.
Sa laing bahin, ilusad ni SGM Cañete ang iyang ikalimang libro sa eskrima karong Huwebes, Enero 8 didto sa Golden Prince Hotel sa eskina Gorordo Avenue ug Archbishop Reyes Avenue, ning dakbayan. (BANAT NEWS)
- Latest
