^

Rustom Lim misakmit expert title sa mountainbike race

Bot Glorioso, Yoyo R. Abayan (Banat) - October 12, 2014 - 12:00am

CEBU, Philippines – Naapsan ni Rustom Lim ang pambato sa Sugbo nga si John Renee Mier aron masakmit ang expert title sa mountainbike event sa 1st Monterrazas Bike Challenge kagahapon didto sa Monterrazas de Cebu sa barangay Guadalupe, dakbayan sa Sugbo.

Naharos ang kadina sa biseklita ni Mier pipila lang ka kilometro gikan sa starting line nga nakahigayon nilang Lim ug Ronald Lomotos sa pag-abante  samtang si Mier misuway pag-apas sa duha.

Si Lim mipakita’g maayo  sa iyang climbing prowess aron modaog sa expert class nga adunay tulo ka lap, diin ang matag lap may gilay-on nga 4.5 kilometro. Gitapos niya ang lumba sud lang sa 36 minutos ug 20:07 segundos.

Nagsunod niya si Vinan nga mioras og 35:58, samtang si Mier nalandig sa ikatulo sa oras nga 36:26.68.

Ang lain pang mga mananaog sa tagsa-tagsa nila ka dibisyon naglakip nilang Kit Carbonita (juniors), Jerry Buhisan (seniors), Joseph Miller (veteran), Nilo Barbalose (masters) ug Chyrel Gomez (women’s). (BANAT NEWS)

CHYREL GOMEZ JERRY BUHISAN JOHN RENEE MIER JOSEPH MILLER KIT CARBONITA MIER MONTERRAZAS BIKE CHALLENGE NILO BARBALOSE RONALD LOMOTOS RUSTOM LIM SI LIM
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with