Anhi sa Sugbo ang AUBC sumala pa ni Chao Sy

Igo gyung mahuman ang nag-anam na kaanindot nga 14th season sa  Cebu Schools Athletic Foundation, Inc. (CESAFI), mosunod sab dayon ang mas dako ug international nga basketball tournament ang 10th Asian Universities Basketball Championships kon AUBC diin ang inilang boxing-basketball promoter nga si Lorenzo "Chao" Sy maoy gitahasan sa pagpasiugda sa maong torneyo. Ang maong torneyo nga ipahigayon karong umaabot Oktubre 22-26, adto buksan sa Bogo City sa amihanang Sugbo kinsa nahiagom sab sa kabangis ni Yolanda kaniadtong Nobiyembre 8 sa miaging tuig. Karon, bag-o na'g atup ang Celestino E. Martinez Sports Complex didto sa Bogo nga maoy benyu sa lima ka adlaw nga kumpetisyon. Matud pa ni Chao Sy, ang mga musalmot nga teams sa AUBC mao ang defending champion Huaquiao University sa Xiamen, China, Niadtong  2008, dinhi sab sa Sugbo ang 6th AUBC diha sa Cebu Coliseum diin ang Huaquiao University maoy kampyon human ilang gipilde ang South Korea. Ang ubang musalmot nga teams mao ang Myong Ji University sa South Korea ug upat ka mga lokal teams nga nahimutang karon sa top four sa CESAFI nga mao ang University of San Carlos Warriors, Southwestern University Cobras, University of the Visayas Green Lancers ug ang University of San Jose Recoletos Jaguars. Andam na ang mga sports officials sa Bogo City sa pagbukas sa AUBC didto sa ilang dakbayan nga gipangulohan sa USC Green and Gold Warriors Alumni nga si Bogo Mayor Celestino E. Martinez, Jr. Ang Federation of School Sports of the Philippines kun FESSAP, maoy mopili sa team nga ilang ipadala ngadto sa Gwangju, South Korea sa Hulyo sunod tuig alang sa Asian University Sports Federation (AUSF).

Sa laing bahin, mobisita karong adlawa dinhi sa Sugbo ang kanhi national team ug champion coach Joe Lipa aron hisgotan ang umaabot nga pagpahigayon sa elimination round sa Philippine Collegiate Champions League (PPCL) dinhi sa Sugbo nga sugdan karong Nobiyembre.Makighinabi si coach Lipa nilang Chao Sy ug Atty. Baldomero C. Estenzo kalabot sa pagpahigayon sa PCCL.

RECOGNITION AWARD. Andam na sab mohatag og pasidungog ang University of Cebu ngadto sa kanhi sentro sa UC Webmasters nga si June Mar Fajardo tungod sa iyang kontribusyon sa nasud isip sakop sa Smart Gilas Pilipinas. Dili lang kay usa ka pasidungog ang ilang ihatag ngadto kang Fajardo apan duna pa gyu'y bangkete nga andamon sa pamilyang Estenzo.Mihimo og dakong surpresa si Fajardo didto sa 2014 FIBA Basketball Cupa Mondial dihang siya maoy ikaduha ug nagsunod kang Pau Gasol sa host country Spain sa player's efficiency ratings kun PER. Gani nalupig niya sa statistics silang Goran Dragic sa Slovenia, Anthony Davis sa Team USA ug si Serge Ibaka sa Spain.

MISCELLANEOUS.  A very special birthday greetings to my lovely daughter Nicole Malagar who will be in her last teenage year on Wednesday, September 10 which also coincides with the fiesta of San Nicolas de Tolentino.