^

Gabica, laing 5 ka Pinoy sud sa last 32

Bot Glorioso, Yoyo R. Abayan (Banat) - June 27, 2014 - 12:00am

CEBU, Philippines - Yano kaayong gipilde sa Sugbuanong cue master nga si Antonio 'Gaga' Gabica ang  iyang kaatbang aron makigduyog sa laing lima ka Pinoys ngadto sa last 32 knockout stage sa WPA World 9-Ball Championships didto sa Al Saad Sports Club sa Doha, Qatar.

Ang beteranong si Gabica mipilde ni Medhi Rasekhi sa Iran, 11-7 nga  nakadaku sa iyang kahigayonan nga modaog sa kampiyonato nga mihaplot sa iyang mga kamot sa miaging tuig.

Ang garbo sa dakbayan sa Lapu-Lapu diriyot mohimo og kasaysayan atol sa 2013 nga edisyon sa labing daku ug prestihiyosong torneyo sa bilyar sa tibuok planeta dihang miabante siya sa final round. Hinuon, napilde siya sa final match batok ni Thorsten Hohmann.

Ning higayona, si Gabica nagkaduol na sa $30,000 grand prize uban sa iyang kababayan nga silang Carlo Biado, Ramil Gallego, Raymond Faraon, Elmer Haya ug Johann  Chua.

Subo hinuon palandungon kay ang Sugbuanon nga si Warren Kiamco natagak na ning usa ka semana nga torneyo uban sa laing top seeds nga silang  Dennis Orcollo ug Lee  Van Corteza.

Si Kiamco napilde ngadto ni Wang Can sa China, 11-9, si Orcollo gitagak sab ni Naoyuki Oi sa Japan, 11-8, samtang natapos sab ang kampanya ni Corteza human miyukbo ngadto ni Waleen Majed sa Qatar, 11-6.

Laing Pinoy nga natagak sa final 64 mao si Jeffrey de Luna, kinsa napilde ngadto ni Jason Klatt sa Canada pinaagi sa 11-6 decision. (BANAT PALARO)

AL SAAD SPORTS CLUB BALL CHAMPIONSHIPS CARLO BIADO DENNIS ORCOLLO ELMER HAYA GABICA JASON KLATT LAING PINOY MEDHI RASEKHI
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with