Pimentel sa finals, Angel Mary naglawig
GGM (Banat) - February 3, 2014 - 12:00am

CEBU, Philippines - Samtang segurado nang mi-abante sa finals ang Pimentel Brokers, naglawig na sab ang Angel Mary Pawnshop human sila mokulit og managlahing kadaugan kaniadtong Miyerkules sa gabii atol sa nagpadayong 7th FYA-Philip Zafra Cup basketball tournament didto sa barangay Tisa gym, ning dakbayan.

Ang Pimentel Brokers ni team owner Marty Pimentel, yano kaayong milubong sa Simple Likes Resto Bar sa iskor, 111-91 samtang ang Angel Mary midaug batok sa D&L Sportswear, 112-101.

Suwayan karon sa Pimentel nga haruson ang ilang tulo ka duwa sa semifinal single round robin dihang ilang ikasangka ang Angel Mary diin nahimutang sa "must-win" situation ang nauwahi aron sila'y makigtakos sa Pimentel atol sa knockout finals.

Apan kung mapilde ang Angel Mary, nagpasabot sab kini nga duna pay higayon nga muabante ang Simple Likes kinsa aduna pay duha ka duwa batok sa D&L karong  gabii ug batok sa  Angel Mary karong Miyerkules.

 Wala'y nakapiog kang Nico Laborte kinsa maoy nangu sa Pimentel Brokers sa iyang 30 puntos samtang parehong midugang og 17 puntos matag usa silang Dexter Caballero ug Ranel Patalita.

Ang Simple Likes (0-1) gipangulohan ni Noel Medalle sa iyang 25 puntos samtang si Ryan Dacayana midugang og 24 puntos.

Kung unsa kamaayong nakaduwa ni Laborte, mas ganado pa gyu'ng nakaduwa si McLean Alkuino, ang team owner sa Angel Mary tungod kay nagpanon ang iyang cheerers nga "Alkuino's Angels" hinungdan nga halos dili mosipyat ang iyang mga tirada ug mi-antug siya'g season-high 42 puntos.

 Si Jayson Ramirez midugang og 20 puntos samtang may 16 ug 15 puntos silang Ruel Baguio ug  Reniel Lim.

Na-ejected sa tunga-tungang bahin sa second quarter tungod sa duha ka technical fouls si Jaz Sydiongco batok kang Dondon Cadungog tungod sa pisikal kaayong duwa nga miresulta sab sa pag-init sa ulo ni Ryan Villaver sa D&L kinsa natagak na sa ilang 0-2 nga baraha.

Silang Villaver ug Cadungog maoy nangu sa D&L sa ilang 24 ug 22 puntos ug bisan pa'g naglabaw sila og 14 puntos, 55-41, napilde lang gihapon sila tungod kay nagpadala sila sa ilang kainit ug medyo naguba ang ilang diskarte sa duwa.

Puntos matag usa:

First Game:

Pimentel Brokers (111)---    Laborte 30, Caballero 17, Patalita 17, Reeys 14, Bahina 10, Abellana 8, Noquillo 5, Boysello 3, Duran 2.

Simple Likes (91)---              Medalle 25, Dacayana 24, Baricuatro 13, Mirasol 11, Canceko 6, Lastomen 5, Cabaron 4, Zapanta 2.

Second Game:

Angel Mary Pawnshop (112)---  Alkuino 42, Ramirez 20, Baguio 16, Lim 15, Rara 10, Dumaguit 5. Parba 4, Bermudez 4, Jabonero 3, Sydiongco 3, Pardenilla 2.

 D&L Sportswear (101)---          Villaver 24, Cadungog 22, Dacayana 17, A. Abella 10, CJ Abella 6, Torres 5, T. Pacaña 4, Parba 4, P. Pacaña 3, Batuto 3.  (BANAT PALARO)

 

ABELLA ALKUINO ANG PIMENTEL BROKERS ANGEL MARY ANGEL MARY PAWNSHOP L SPORTSWEAR PIMENTEL BROKERS PUNTOS SIMPLE LIKES
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with