^

Banat Palaro

Blue, Gray nakarekober, gilubong mga kontra sa SRP Sunday Club Christmas League 2013

Bot Glorioso, Yoyo R. Abayan - Banat

CEBU, Philippines -  Nakarekober ang defending champion Blue team gikan sa sakit nga kapildihan dihang ilang gipahimungtan ang Red team, 100-66

sa nagkainit nga aksyon sa SRP Sunday Club Christmas League 2013 basketball tournament niadtong  Domingo didto sa San Roque Parish

gym sa barangay Subangdaku  sa dakbayan sa Mandaue.

 Ang three point artist nga si Ramon Fontanosa miiskor og 20 puntos nga gilamasan og upat ka triples aron pangulohan ang

Blue nga miposte'g 16-14 paghuman sa unang 10 minutos sa duwa.

 Giablihan ni Fontanosa ang second period pinaagi sa iyang three-pointer nga maoy miduslit sa nagkainit nga opensa sa Blue,

kinsa miinat sa ilang labaw ngadto sa 17 puntos sa halftime, 50-33.

 Si Fontanosa nakakuha sab og suporta gikan nilang Arnel Colanse, Fernando Anghay ug Dante Orendain nga parehong miamot

og double digits. Si Colanse mitikdol og 18 puntos, samtang si  Anghay nga pwerteng panginit sa third quarter mitimbre'g 14 puntos ug si

Orendain mitimang og 10 puntos. Ang presidente sa SRP Sunday Club nga si Rom Castañeda miantog og kuwatro puntos alang sa Blue

team nga maoy nikontrol sa kinatibuk-ang duwa.

 Sila lang si Ruben Flores ug Baloro ang mihimo'g double digits alang sa Red team nga wala pa makatilaw og daog sud sa duha

nila ka duwa. Si Flores miposte'g 15 puntos, samtang si Baloro mirehistro'g 11 puntos. Silang Mariano Dialogo ug Jun Hortelano adunay

nuybe puntos matag usa sa ilang kapildihan.

 Sa laing aksyon, ang Gray team nakabangon sab human masugamak sa ilang unang duwa human nila gilubong ang Black sa

iskor nga 81-70.

 Upat ka players sa Gray ang mikulit og double figures sa pagpangulo ni Romy Rosaroso, kinsa miugkat og 21 puntos.

 Unang miarangkada ang Black diin miposte kini'g 6-2 sa sayong bahin sa duwa, apan nahilis ang labaw  pinaagi sa mga puntos

nilang Rosaroso ug Eric Obra aron mailog ang labaw, 24-18 paghuman sa first period.

 Sa second quarter, gikalingawan og inat sa Gray ang ilaw labaw ug misulbong ngadto sa 16 puntos, 65-49 human sa 3-point shot

ni Rosaroso nga maoy kinadak-an nilang labaw sa wala pa ang ilang 11 puntos nga kadaugan.

 Sama sa Red team, ang Black wala sab makatagamtam og daog sud sa duha ka duwa ning maong torneyo nga gipaluyohan ni

Subangdaku Brgy. Capt. Ernie Manatad ug councilor Amay Dy.

 Ang mga duwa gidumala ni league commissioner Monching Menaling sa abag nilang Juvenal Perolino ug Van-Van Amora.

Puntos matag usa

Unang duwa:

 GRAY (81) - Rosaroso 21, Survilla 14, Obra 12, Conahap 11, Colina 8, Rodriguez 7, Cenita 4, Runcan 2, Ram-Mhon 2

 BLACK (70) - Anton 24, Abordo 9, Teody 9, Chin 8, Rome 4, Supangan 4, Fontanosa 4, Dublin 2, Peligro 2, Aventajado 2

Ikaduhang duwa:

 BLUE (100) - Fontanosa 20,  Colanse 18, Anghay 14, Orendain 10, Medio 8, Alesna 6, Gonzaga 6, Castañeda 4, Enriquez 4, Paldo

4, Labares 4, Postell 2

 RED (66) - Flores 15, Baloro 11, Diologo 9, Hortelano 9, Narte 7, Ramirez 6, Bacatan 3, Pestaño 2, Labastida 2, Cabunillas 2 (BANAT NEWS)

AMAY DY

ANGHAY

BALORO

DUWA

FONTANOSA

PUNTOS

ROSAROSO

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with