Libreng gamot, kaloob ng Quezon City LGU sa PWDs na may mental health conditions
MANILA, Philippines — May kaloob na libreng gamot na pang maintenance ang Quezon City government para sa mga persons with disabilities (PWDs) na may mental health conditions.
Ito ay nai-post ng lokal na pamahalaan sa kanilang facebook page upang ipaalam sa publiko ang naturang benepisyo para sa mga PWDs sa lungsod. Kailangan lamang magtungo at dalhin sa pinakamalapit na health center ang kanilang prescription galing sa doktor para mabigyan ng libreng gamot.
Ayon sa QC LGU na kung kailangan ng mga residente na dumaan sa mental health consultations, bukas ang Quezon City General Hospital Psychiatry Department para sa online consultations.
Ang hakbang ay ginawa ng lokal na pamahalaan makaraang makaapekto ang COVID-19 pandemic sa iba’t-ibang mental health concerns sa bansa.
Ayon sa National Center for Mental Health, tumaas ang bilang ng namatay dahil sa pananakit sa sarili noong 2020 at tumaas ang natatanggap nilang tawag sa mental health at suicide hotline noong 2021.
- Latest
