Salamat, Nguya Squad

CEBU, Philippines — Mapasalamaton si Joshua Garcia sa iyang mga barkada sa ilang grupo nga gitawag og "Nguya Squad." Lakip sa mga sakop niini sila si Kathryn Bernardo ug Daniel Padilla. Naa sab sila si Sofia Andres ug Ria Atayde.

 Matud ni Joshua sa presscon sa Viral Scandal, ang umaabot niyang teleserye sa ABS-CBN kauban si Charlie Dizon, dako kaayo iyang pasalamat sa iyang mga higala o sa  Nguya Squad sanglit wala gyud siya talikdi ug pasagdi.

"Sila kasi yung nandun para sa akin especially nung nag-pandemic. Nakakulong lang ako palagi sa kuwarto, di kasi ako mahilig     lumabas.

"Laking tulong nung ginawa nila na lumalabas kami, ang dami naming activities na ginagawa. Sila rin kasi yung nandiyan nung time na nung may problema ako, sila yung nandiyan para sa akin."

Pahimug-at ni Joshua: "Di sila nawala, aminado ako na nawala ako."

Ni-react sab si Joshua sa nabaniog nga na-crush kaniya si Ivana Alawi.

"Ako, pag may humanga sa akin, nakakadagdag ng confidence yun sa lalake, di ba? Di ko alam ang reaction ko. Siyempre thank you kasi naa-appreciate yung work ko na ginagawa.

"Base sa nakita ko at narinig ko, na-appreciate niya yata yung acting ko, thankful, sobrang thankful ako. As an actor, maraming salamat."

Samtang ang Viral Scandal gitakda na nga mulugwa sa November 15, sa ABS-CBN primetime.

Jackie Rice,  Valentina...

Baniog ang tsika sa mga tsismosa nga si kanhi Starstruck winner Jackie Rice ang modala sa papel nga Valentina sa ABS-CBN series nga Darna nga bituonan ni Jane de Leon ug sugdan na ang lock in taping sa sunod bulan. Kini human nasigpatan si Jackie matud pa nga nakigmeeting sa pipila ka executives sa ABS-CBN niining bag-o lang. Nasayran nga freelance artist na karon si Jackie busa mahimo siyang motabok tabok og network

Mano Po series

Gumikan sa kalampusan sa Regal Studio Presents sa GMA7, gitakdang isunod paghimo sa Regal Entertainment ang Mano Po series nga sa Kapuso Network gihapon isalida. Kasamtangang nagpadayon na ang casting call alang sa nagkadaiyang roles ug ipahibawo matud pa karong semanaha kinsa nga mga kapuso stars ang maglangkob niini. Samtang ang Mano Po movies sa Regal, makita na sa Netflix sugod niadtong October 15.

Take One

Gidayeg ni direk Easy Ferrer si Barbie Forteza kinsa maoy bida sa Regal Studio Presents sa umaabot Domingo kauban si Royce Cabrera. Matud ni direk Easy ngadto sa PEP Troika: "Magaang katrabaho si Barbie. Very professional. Ang husay sa acting dahil ang bilis magkarga, ang bilis mag-shift.Take one lang, nakukuha na niya ang eksena. I can tell that she studied for the role.”

Buotan ang tanan

“Sa bago kong mundo, damang-dama ko, yung pangalan ng kumpanya namin, yung motto ng pagiging Kapuso, talagang damang-dama mo. Mabait ang lahat ng tao rito at lahat ng nakakausap ko, lahat ng tumutulong sa akin sa pagpasok ko rito, damang-dama ko, genuine care and genuine na pagiging mabait." Kana suma pa ni Kim Atienza, usa ka semana sukad siya nagsugod isip bag-ong segment host sa 24 Oras sa GMA7.

Dugay pa mahuman

Ni-react si Sunshine Dizon sa tsika nga mahuman na ang iyang teleserye sa ABS-CBN nga Marry Me Marry You kauban si Janine Gutierrez ug Paulo Avelino. Suma pa ni Sunshine cycle taping lang ang nahuman ug dili ang mismong teleserye. Taod-taod pa nga makita sa primetime ang maong romantic-comedy series. Gani, unom ka bulan ang giingong airing niini, busa hangtud sa first quarter sa 2022 pa kini molungtad.

Angkona ang tinuod!

Gibulabog ni Aljur Abrenica ang social media adtong Martes sa gabii, human siya nag-post nga ang iyang asawa matud pa nga si Kylie Padilla maoy unang nagluib sa ilang kaminyuon.

Gihagit niya si Kylie nga angkunon na ang tinuod, inay magpahipi diha sa mga tulugkaron niini nga post.

Nangayo siya og pasaylo ngadto kang Kylie nga wala siya musunod sa ilang kasabutan nga magpakahilom na sila kabahin sa ilang panagbulag.

Apan niya pa, dili na niya maantos ang mga pagsaway nga iyang nadawat human usab sa gibutyag sa amahan ni Kylie nga si Robin Padilla nga "third party" sa habig ni Aljur ang rason sa breakup.

Pero walay direkta nga reaksyon sa post ni Aljur si Kylie. Puros mga title sa kanta ang iyang gipost sa iyang Instagram Stories.

Una niyang gipost ang  “Easy On Me” ni Adele, nga gisundan sa "Happier Than Ever” ni Billie Eilish. Unya, sunod niyang gi-post ang, "Wrecking Ball" ni Miley Cyrus ug "Smile" ni Lily Allen.

Unya, gi-repost ni Kylie ang tweet sa singer nga si Rihanna niadtong December 13, 2012 nga nagkanayon: "Never underestimate a man's ability to make you feel guilty for his mistakes."