Legal ba ang kasabutan sa panagbuwag sa magtiayon?

Dear Atty. Divine,

Duna koy pangutana may labot sa kasabutan nga gustong papirmahan sa akong bana bahin sa among panagbuwag. Nalatid sa maong kasabutan nga dili na kami maghilabtanay sa usa’g usa ug kinahanglan nga iyang suportahan ang among duha ka anak nga pulos pa minor de edad. Ang akong bana mismo maoy naghimo niining maong kasabutan. Ang akong pangutana kun aduna bay legal nga gibug-aton ang maong kasabutan? Daghang salamat. -- Nora

* * *

Dear Nora,

Walay legal nga epekto sa inyong kaminyuon ang inyong gipirmahan nga kasabutan sa panagbuwag. Kini tungod kay ang kaminyuon usa ka special contract, wa kini expiration date ug dili sab kini subject sa terms and conditions sa magtiayon. Busa bisan pa kun nalatid sa inyong kasabutan ang inyong hingpit nga panagbuwag isip magtiayon, nagpabilin gihapon ang inyong marriage bond. Kini tungod kay ang korte lang ang mamahimong maka annul sa inyong marriage og mahitabo lang kini pinaagi sa pagfile og Petition for Annulment of Marriage. Thank you and God Bless. -- Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.