Ang pagtulon-an sa Kinabuhi ni Juan Magbubunyag

Basaha: Mk. 6;17-29

Gumikan lang sa sayaw usa ka kinabuhi nakalas. Gumikan lamang sa wala mapamalandongi nga panaad usa ka ulo ang napunggot sa usa ka balaan ug matarong nga tawo.

O tungod kini sa kapritso sa usa ka babaye nga nibati og tumang pagdumot ug kasilag ngadto kaniya gumikan sa makanunayong pagbadlong niini sa immoral niining binuhatan kuyog ni Herodes Antipas ang igsuon sa bana niini nga si Filipe nga nangasawa kaniya bisan pa man kun kini dakong supak sa sukaranang moral.

Si Herodes Antipas nga kaniadto buot manalipod kang Juan Magbubunyag sanglit sayud man siya nga balaan si Juan Magbubunyag. Ug sayud siya sa iyang binuhatan.

Tungod lamang kay nakapanaad siya, malisud na alang kaniya ang pagbakwi niini.

Dili siya buot maulawan sa kadaghanan. Mao nga iyang gipakanaog ang hukom nga nga dili makatarunganon ug pintas. Apan ang maong buhat pabiling maghamok sa iyang tanlag hangtud na tingali sa iyang kamatayon. Apan damaged has been done.

Ning maong talan-awon atong makat-onan kining mosunod:

1. Dili sa tanang higayon ang pagbinut-an magbunga og pag-uyon ang uban magbunga og kamatayon.

2. Sa dili pa kita mohimo og desisyon atong pamalandongan sa makadaghan aron dili kita mahisama ni Herodes sa kaulahian.

3. Sama ni Juan Magbubunyag kita mobarog unta kun unsay husto bisan pa man kon kini nagpasabot og pagbarog nga mag-inusara.