Kinahanglan sutaon ang status sa yuta sa dili pa paliton

Dear Atty. Divine,

Ang akong parents nagplanong mopalit og yuta aron tukoran og residential house. Aduna nay pipila ka property nga ilang gitan-aw apan walay kasayuran ang akong parents kun unsay mga dokumento ang angayan nilang pangayuon gikan sa prospective seller sa dili pa sila mo-decide sa pagpalit sa yuta. Ang akong pangutana kon unsay mga dokumento nga pangayuon sa akong parents gikan sa seller aron pagseguro nga walay problema ang yuta nga ilang mapalit? Daghang salamat. —Mila

Dear Mila,

Sa dili pa paliton sa imong parents ang yuta, kinahanglan nga mo conduct sila og due diligence sa property nga nga ilang paliton. Buot ipasabot nga kinahanglan nga ilang i-background check ang legal status sa yuta, unsay kondisyon niini, kinsay tag-iya ug husto ba ang mga dokumento niini og wa bay mga boundary disputes. Ilang sutaon kun titulado ba ang property or dili. Kun titulado gani ang yuta, kinahanglan nga mangayo sila og kopya sa latest certified true copy sa titulo niini aron pagsuta kun limpyo ba ang titulo ug wa bay mga annotations niini. Sutaon sab nila kun ang nakapangan sa titulo mao ba ang seller or heirs ba sa original owner. Kun way titulo, ang ilang tan-awon mao ang latest certified true copy sa tax declaration, ug kun wa bay mga annotations sa tax dec ug kun nabayran ba ang real property taxes niini. Mas maayo sab nga ilang ipatan-aw sa lawyer ang mga dokumento sa property sa dili pa sila modecide sa pagpalit niini. Thank you and God bless! Atty. Divine

Alang sa inyong pangutana, palihug lang sa pag-email  sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.