Nagtinguha ang amahan nga maoy mo custody sa anak

Dear Atty. Divine,

Aduna koy pangutana labot sa custody sa bata. Aduna koy anak nga 5 years old na karon, at first, naghatag og financial support ang amahan sa bata kay dili man mi kasal ug anaa na sab siyay laing karelasyon. Apan karong bag-o, wa na siya mohatag og suporta og ang iyang gusto nga anha na sa iyaha mopuyo ang bata, so gusto niya nga siyay mo-custody sa among anak apan wa ko mosugot sa iyang demand. Ang akong pangutana kun aduna bay legal nga basihan ang amahan sa akong anak sa pagkuha sa custody sa bata? Daghang salamat.

Realyn

* * *

Dear Realyn,

Basi sa Article 176 sa atong Family Code, kini nagkanayon nga ang inahan maoy dunay parental authority sa usa ka illegitimate child. Nalatid sab sa atong Family Code nga kon ang bata below 7 years old, ang custody niini anha gyud sa inahan. Apan adunay higayon nga ang inahan matangtangan sa iyang katungod sa pag-custody sa iyang anak kun siya masutang unfit or unsuitable nga maoy mo custody sa iyang anak. Basi sa mga nahaunang desisyon sa Korte Suprema, ang inahan mamahimong madeklarar nga unsuitable sa pag-custody sa bata kon adunay nahimong neglect, abandonment, unemployment, immorality, habitual drunkenness, drug addiction, maltreatment of the child, insanity ug kun kini adunay communicable disease. Kun wala kining maong circumstances, dili ka mamahimong hikawan sa imong katungod sa pag-custody sa imong 5 anyos nga anak. Apan bisan kon ikaw ang adunay katungod nga mo-custody sa bata, ang amahan aduna gihapoy visitation rights ug dili sab siya mamahimong hikawan niini. Thank you and God Bless. -- Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.