Taas nga sa interes ang utang

Dear Atty. Divine,

Aduna mi  utang sa lending og P70,000 adtong December unya ang interest 10% per month.

Naka bayad na mi og  katunga sa among  utang apan karon medyo naapiki mi tungod sa enrollment sa mga bata. Ang akong pangutana kon makahangyo ba mi nga minusan ang intetest sa among utang? Daghang salamat.

Ella

* * *

Dear Ella,

Kun aduna kay gipirmahan nga kasabutan ug miuyon ka sa pagbayad sa maong interest then mapugos gyud ka sa pagbayad bisan pa sa kataas sa interest niini. Apan mamahimo ka nga makahangyo sa lending company nga i-reduce ang interest rate ilabi na kay nakabayad na mo og katunga.

Apan kun wa kay gipirmahan nga kasabutan  labot sa  pagpahamtang og 10% nga interest matag buwan then way basis ang imong giutangan nga mo charge og 10% nga interest matag buwan.

Basi sa Article 1956 of the Civil Code kini nagkanayon: " No interest shall be due unless it has been expressly stipulated in writing".

Apan  kun duna kay gipirmahan nga kasabutan obligado gyud ka sa pagbayad niini apan pwede sab ka nga mo-question sa kadako nga gipatong nga interest ngadto sa korte.

Thank you and God bless.

Atty. Divine

* * *

Alang sa inyong pangutana, palihug lang sa pag email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.