Unsay unang buhaton aron pagbahin sa sinunod nga property

Dear Atty. Divine,

Ang akong papa adunay na-inherit nga property gikan sa ilang mga ginikanan. Apan wa kini mabahin nilang mga igsuon hangtud nga namatay na ang akong papa.

Karon nakig-estorya mi sa akong iyaan labot sa share sa akong papa ug gusto na unta namo nga mabahin na ang maong property aron among ma-develop ang share sa akong papa.

Ang akong pangutana kun unsay una namong buhaton aron mabahin ang maong property? Daghang salamat.

Karen

* * *

Dear Karen,

Ang una ninyong buhaton mao ang pagpa-subdivide sa property aron patas ang pagbahin niini depende kun pila ka magsuon sila sa imong papa. Kun pananglit upat sila ka magsuon, then inyong ipa-subdivide ngadto sa upat ka bahin ang property. Ang usa ka share nga alang sa imong papa, mao sab kini ang bahinon kaninyong mga anak sa imong papa in equal share.

Human sa pagpa subdivide sa property, ang mga heirs mo execute og Extrajudicial Partition og bayran ang Estate Tax aron inyong ma-process ang pag-transfer sa property ngadto sa pangan sa tagsa tagsa ka mga heirs. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong akong tubagon ang inyong pangutana pinaagi sa akong column matag Miyerkules, Sabado ug Domingo.