Papa Francisco

Gibati nato ang tumang kasub-anan ug sa tibuok kalibotan sa dihang atong hisayran nga nipanaw na ngadto sa laing kalibutan ang atong kasamtangang Santo Papa nga si Papa Francisco.

Ang iyang Easter Blessing mao na diay ang katapusan niyang pagpanalangin sa katawhan sa Dios sanglit sa sunod adlaw sa Lunes sa Oktaba sa Pasko sa Pagkabanhaw siya nitaliwan man.

Kining maong Santo Papa ang matawag tngaling daghan ang kontrobersiya labina gyud sa iyang mga pronouncements ug nakatukbil og daghang mga pangutana, apan sa iyang pagka santo papa iyang gipahimug-atan ang bili sa gitawag natong Fraternity. Tataw kini sa iyang mga sinulat sama sa Fratelli Tutti.

Dili luho ang pagkinabuhi ni Papa Francisco ug gani wala man gani wala siya mopuyo sa Apostolic Palace. Nagpuyo siya sa Casa de Santa Marta Apartment sukad siya napili hangtud na gani mismo sa iyang kamatayon.

Iyang gipahimug-atan ang kalooy ingon man ang kayano sa kinabuhi.

Ug gitudloan niya ang kadaghanan nga kinahanglang mopahiyom kita bisan pa man kun malisod usahay ang kinabuhi.

Ug sa adlaw sa iyang lubong iyang gitataw ang iyang tinguha nga adto siya palubong sa Basilica sa St. Mary Major, sa dapit diin sa kanhiay nga mga panahon maoy nahimong lubnganan sa mga ulipon. 

Timailhan kini nga hangtud sa kamatayon si Papa Francisco nahimong simple ug yano sa pagkinabuhi ug iyang gipuy-an ang iyang mensahe.

Tingali dunay mga pamahayag niya lisud dawaton sa kadaghanan apan sa salamat Papa Francisco! Viva El Papa!