Unsay mahitabo kun mapakyas sa pagbayad sa abangan sa apartment?

Dear Atty. Divine,

Nag-abang mi og apartment sud na sa tulo ka tuig. Apan karong bag-o, wa mi makabayad sa rent sud sa duha ka buwan tungod kay nasakit ang akong mama ug dako mi og gasto sa hospital. Gipadad-an mi og demand letter sa landlord ug amo siyang gihangyo nga naapiki gyud mi karong panahona, apan di gyud siya mosugot kun di mi mobayad. Iya ming gibaharan nga papahawaon sa among apartment kun dili mi makabayad this week. Legal ba ni ang iyang gibuhat? Unsa may angayan namong buhaton kun di gyud mi makabayad? Daghang salamat.--Erika

* * *

Dear Erica,

Kun aduna moy gipirmahan nga kontrata ug naapil sa terms and conditions nga pwede mong papahawaon kun mapakyas mo sa pagbayad sa rent sud sa duha ka buwan, mapugos gyud mo sa pagtuman niining maong kondisyon. Busa kun dili gyud mo makabayad this week, mapugos gyud mo sa pag-vacate sa maong apartment. Hinuon aduna moy option nga magpabilin sa maong lugar bisan kun wa mo makabayad sa rent apan mamahimo sab kamo nga pasakaan og eviction case sa owner. Kini tungod kay ang inyong pagpadayon og stay bisan kun wa mo makabayad sa abangan og bisan kun gipadad-an na mo og demand letter to vacate the apartment, makonsiderar na nga illegal. Thank you and God bless. -- Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.