Pagpamalandong matag Domingo Lubong nga walay sulod

Matud pa kuno ang lubnganan nga naadto dili mao ang gilubngan ni Jesus.

Bisan unsa pa man ang kontrebersiya nga gipasupot apan diha sa mga mata sa pagtuo kita segurado gayud nga ang Ginoo namatay apan human sa ikatulo ka adlaw siya nabanhaw.

Ang kabanhawan usa man ka metahistorical nga kamatuoran.

Nga sa ato pa, beyond sa bisan unsang empirical evidence. Bugtong ang lubong nga walay sulod mao man ang atong ebidensiya.

Kining maong hitabo nagdapit kanato sa paghangop ning mosunod:

1.   Ang atong Ginoo, Ginoo sa mga buhi ug dili sa mga patay.

2.   Ang kamatayon dili katapusan hinunoa sinugdanan sa kinabuhi. Ang tanan mausab apan dili matapos.

3.   Ang kabanhawan sa atong Ginoo nagmatuod nga dili gyud mahitabo nga magmadaugon ang gahom sa kangitngit batok sa gahom sa kahayag.

4.   Kahimayaan sa Dios nga masud-ong nya ang iyang binuhat nga tawo nga magpuyo sa madagayaong kinabuhi.

Busa angayan lamang nga magsadya ug maglipay kita! Nabanhaw na ang Ginoo! Aleluya!