Unsay angay himoon alang sa mga sakramentales

(Nga dili na magamit ingon nga kahimanan sa pag-ampo?)

Ang mga sakramentales ug mga kahimanan sa debosyon kun dili na magamit o dili na haom segun sa tumong ug kagamitan niini ang kinahanglang “ipahimutang” uban ang pagtahud. Kini nagpasabot nga:

1.  Gub-on kini pinaagi sa pagputol, pagsunog, uban ang pagtahud.

2. Pagahimoon kini diha sa pribado nga paagi ug dili diha sa publiko.

3.  Ang mga abo mahimong isabog sa mga tubig sama sa dagat, sapa apan dili diha sa kanal o sa inidoro.

4. Dili mahimong ilubong ang tibuok imahen kay basin unya masaypan kini nga nagmilagro kun makalotan sa umaabot.

5. Ang mga konsagradong hostiyas ang pagatunawon sa pari sa tubig ug ang tinunaw niini ihuwad sa sacrarium nga naa nahimutang sa sakristiya.

6. Sa sacrarium usab ihuwad ang dili na magamit nga mga balaang lana.

7.  Ang mga kahimanan sa debosyon sama sa mga guba nga rosaryohan, eskapularyo, guba nga mga imahen ang kinahanglang ipahimutang pinaagi sa usa ka maampoon ug solemne nga paagi sa paghimo niini.