“Milagro, pribadong pagpadayag, ug mga aparisyon”

Unang gula

Ang kinaiya nga pagahuptan sa matag katoliko mao man ang pagka mabinantayon. Gikinahanglan nga dili gyud dayon kita motuo kun aduna kitay nadunggan nga mga panghitabo sama niini. Diha sa kasaysayan sa Simbahan nanggimaw usab ang mga peke nga mga Milagro, dili tinuod nga mga aparisyon, ug mga mini nga mga propeta.

Ang kaaway nga mao ang yawa mahimong mopaluyo niining mga “mini nga mga Milagro” aron paglingla sa kadaghanan. Alang sa dugang kasayuran mas maayo nga bisitahon: The Miracle Hunter : Marian Apparitions. Napatik dinhi ang mga mahinungdanong impormasyon ug pagtulon-an nga angayan natong masayran. Gikinahanglan kaayo kini aron kita magiyahan.

The Miracle Hunter : Marian Apparitions

Ang disposisyon sa Mahal nga Birhen Maria nga mao ang pagkamapaubsanon ug pagkamasinugtanon ang angayan natong pagasundon. Adunay mga tawo nga nakasinati og mga dili kasarangang panghitabo ang mohukom dayon nga ang mga mensahe ug mga panan-awon nga ilang nadungog ug Nakita ang gikan gayud sa Dios. Makuyaw kini nga pagpangangkon ug gani mahimong magdala kini sa pagkahisalaag. Nganong nahisalaag? Gumikan sa ilang espirituhanong garbo.