Mga sakramentales alang sa kalingkawasan

Ang mga sakramentales

Ang Catechism of the Catholic Church ang mihatag ning mosunod nga pagpasabot kalabot sa mga sakramentales.

CCC 1668: Gitukod ang mga sakramentales aron pagbalaan sa mga piniling pangalagad sa Simbahan ingon man ang mga nagkadaiyang kahimtang diha sa Kristohanong kinabuhi ug ang kagamitan sa mga butang nga makatabang sa tawo.

CCC 1670: Ang grasya nga gibubo sa Espiritu Santo sa mga Sakramento dili sama sa grasya nga anaa sa mga sakramentales.pinaagi sa mga pag-ampo sa Simbahan ang mga sakramentales nagtabang ug nag-andam kanato sa pagdawat sa maong grasya.

 Ang liturhiya sa mga sakramento ug sa mga sakramentales makatabang og dako uyamot aron mabalaan ang kinabuhi ingon man ang mga panghitabo niini pinaagi sa grasya nga nidagayday gikan sa Misteryo Paskal sa Pag-Antos, Kamatayon, ug Pagkabanhaw ni Kristo. Gikan niining maong tinubdan ang tanang mga sakramento ug sakramentales ang nikuha sa ilang gahom. Ang paggamit kanila sa husto nga paagi kanila makatabang sa tawo diha sa iyang paghimaya ug pagdayeg sa Dios.

Nagkadaiyang matang sa sakramentales

CCC 1671: Naglangkob kini sa mga panalangin sa mga tawo, pagkaon ug mga dapit. Matag panalangin ang nakapunting sa pagdayeg sa Dios ingon man ang pag-ampo sa Iyang gasa.

Diha ni Kristo ang matag Kristiyano ang gipanalanginan sa Dios Amahan og espirituhanong gasa. Busa ang Simbahan ang nihatag sa maong panalangin pinaagi sa pagsangpit sa Balaang Ngalan ni Jesus uban ang pagtimaan niini sa Balaang Krus ni Kristo.

CCC 1672: Adunay mga panalangin nga dunay malungtarong bili sanglit gikonsagrar man niini ang mga tawo ngadto sa Dios (mga pari, relihiyoso) ingon man mga butang ug dapit alang sa liturhikanhong kalihukan. (Simbahan, Kapilya, Minteryo).