Matud pa ni Bishop Fulton Sheen

“Very few people believe in the devil these days, which suits the devil very well. He is always helping to circulate the news of his own death. The essence of God is existence, and He defines Himself as: 'I am Who am.' The essence of the devil is the lie, and he defines himself as: 'I am who am not.' Satan has very little trouble with those who do not believe in him; they are already on his side.”

Daghan ang nagtuo nga walay demonyo ni yawa. Ang siyensiya ingon man sikolohiya ang ni demythologize sa tanang mga butang espiritwal lakip na niini ang kalabot sa yawa. Hinuon walay gikabalak-an si Satanas niining Matanga sa mga tawo. Ngano? Tungod kay sila iya namang mga kaabin.

Ang Dios mao siya. “Ako mao Ako!” samtang ang yawa Amahan sa Bakak siya kadtong Nangangkon nga “Ako” apan dili diay. Dako kaayo niyag kalipay nga daghan ang dili motuo kaniya ug dako niyang kalipay nga pagaisipon lamang siya nga anaa sa hunahuna ug simbolo lamang sa anino nga tawhanon.

Apan ang buhing tinuod mao nga ang mga panghitabo karong mga higayona lakip na niini ang mga kagubot nga yawan-on linugdangan lamang sa hulhog sa matag tawo nga dunay yawan-ong tinguha ug tumong. Kun ang matag yawa nga anaa mismo sulod sa mga tawo nga giangkon niini, mahimong organisado ang mga yawan-ong binuhatan nga tungod sa pagka organisado niini mamahimo na kini puhon ingon nga usa ka Sistema.

Dako og ikatampo ang sikolohiya ingon man siyensiya apan kining maong mga disiplina ang pagaisipon lamang ingon nga kahimanan sa pagtugkad sa mga misteryo ug makatabang aron mas himayaon nato ang Dios labaw sa tanan. Dili kay atong himoong I angkla ang pagsabot sa Dios pinasikad sa atong convenience. Dili kay atong gitahan ang atong kaugalingon sumala sa kabubut-on sa Dios.

Pluralistic kaayo ang panahon karon ug mao kini ang nakahatag og suliran. Ang mga tawo dili na gani maantigong makontento. Sa tinguha nga tukion ang tanang mga disiplina nahikalimot kita sa basic ning kinabuhia.

Ang basic mao nga dili sa tanang higayon anaa ang kalipay ug katawa. Adunay mga higayon nga kita masakitan. ug kabahin ang krus sa atong kalingkawasan. Butang nga gikalisangan sa yawa ug sa tanang mga espiritung dautan.