Magpabiling contractual employee

Atty. Divine,

Nagtrabaho ko sa usa ka kompaniya sud na kapin sa usa ka tuig. Apan hangtud karon, wa pa gihapon ko mahimong permanent employee kay matag lima ka buwan papirmahon ko og kontrata nga good for 5 months until now. May katungod ba mi nga moreklamo tungod sa among status ng awa gihimong regular? Daghang salamat. —Danny

* **

Dear Danny,

Kun ikaw nagtrabaho sa usa ka kompaniya sud na sa kapin sa tuig, basi sa atong balaod sa Article 280 sa Labor Code of the Philippines, kini nagkanayon nga ikaw makonsiderar na nga usa ka regular nga empliyado kun ang imong trabaho necessary or desirable o gikinahanglan gyud sa business sa imong employer. Gawas lang kun ikaw gi hire for a specific project or kun ang imong trabaho seasonal lang nga inig human sa season or sa proyekto ilang i-terminate ang imong employment. Apan kun pananglit ang imong employer construction company, unya nagtrabaho ka isip usa ka construction worker, ang imong trabaho necessary kaayo sa business sa imong employer busa way rason nga dili ka himoon niini nga regular. Ang maayo nimong buhaton mao ang pagdangop sa Department of Labor aron sa pagpangayo og assistance kanila labot sa imong status.Thank you and God Bless! —Atty. Divine

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.