Dili hisabtang kahadlok

Si Santa Teresa sa Avila usa  ka higayon niana nagkanayon: “Dili gyud hisabtan kining kahadlok nga makapahimo natong motuwaw: “Ang Yawa! Ang Yawa!” nga unta mahimo man natong ituwaw: “Dios ko! Dios ko!”

Sa mga panghitabo karon sa mga tawo ug nagkadaiyang mga tunghaan daghan kaayo ang nibati og kahadlok sa presensiya sa yawa ug demonyo. Daghan ang ang na fixated niini.

Gani, daghang mga pasundayag labina sa Hollywood ang nakasentro man sa mga paranormal, horror films ug sa mga kalihukang yawan-on.

Daghan ang sales ning maong mga salida. Ang pagsabot sa pangalagad alang sa Kalingkawasan ug Eksorsismo ang nakasentro man sa yawa ug dili naman hinuon sa Ginoo.

Husto si Santa Teresa sa Avila. Nganong mo-focus man kita sa yawa nga duna may Dios. Exorcism is not about the devil, exorcism is about God and His Mercy!

Sa akong bahin, gisud-ong ko kining maong kalihukang pastoral ingon nga kahigayonan sa pagtudlo sa mga banay nga afflicted nga anaa ang Dios ug siya lamang ang mahinungdanon.

Anaa ang Dios ug siya lamang ang atong kasaligan. Kun ang mga tawo nagdumili pagtahan sa mga kalaki ug kinaadman nga okulto kini tungod kay sila ang wala tingali nahimong abli aron molihok ang grasya sa Dios sa ilang kinabuhi.

Dili kita angay nga malisang kay kita dinihogan man. Ang Dios maoy tag-iya kanato! Ang Dios paigo na alang kanato! Dios Solo Basta! God Alone will Suffice!